مراد بيني وبين الشاعر مهدي معيوف العنزي

بسم الله الرحمن الرحيم
الممازحه مع الشعار العمالقه مثل
الاديب والشاعر فواز الغسلان
والشاعر مهدي معيوف العنزي.
تقوي الروابط وتصقل الموهبه
وتزيد من خبرت المبتدي مثلي..
قلت هذي الابيات موجهه الى
الشاعر مهدي معيوف العنزي..
وهي تعبر عن نفسها.. اقول
؟
؟



يامهدي معيوف افطـن لفـواز
ابو فهد شقر البني ولعـن بـه
حطن على قلبه مثل شعلة الغاز
حسبي على اللي بالهوا شيبن به
لاشاف من نهده على صدرها ناز
يدن على قلبـه ويـدن بجنبـه
انشاف من ساقه تقل لون برواز
مابان من جسمه تقل ضوء لنبه
ابوفهـد يـذوب ماعـاد يعتـاز
المترفات الغانجات اقلعـن بـه
قله يتوب ويتبع سير ابـن بـاز
عسى الله المعبود يغفـر لذنبـه
بصري ترا منحبهن مات ماجاز
وبن الدجيمـا للقبـر شلعنبـه




رد الشاعر مهدي معيوف العنزي






يالجرهدي يااخوك مابيـك تنحـاز
شيبه واعرفه والعـذارى ابلشنبـه
يرسم لهن بالشعر تاريـخ وانجـاز
فارس وبيتـه بالعـرب ذاك طنبـه
هيمان في جو المحبـه تقـل بـاز
ماهو بذنب الحـب يااخـوك ذنبـه
هذا وهو شيبه على طـرف عكـاز
وبحدود بقعا مارفـع يـوم جنبـه
وشلون لو سير معي حـد شيـراز
ويشوف خشف(ن) خافقي نوخنبـه
ماكان ميـز اسمـه اليـوم فـواز
من شاف حمر خدودهـن دوخنبـه
ولوشاف وصف اجسامهن قال بيجاز
لوجبت ميـزان الذهـب ماوزنبـه
ولاتسالـوا فـواز بالحـب هوفـاز
مادام شيبـه والعـذارى ابلشنبـه