فـز الـخـفــوق

فز الخفوق وقلت يالله عسـى خيـر





وأثر الليالـى عـاد غايـب قمرهـا





ياصبح عمرى يا صبـاح التباشيـر





نوره ملا قلبلـى وروحـى غمرهـا





عقب الفراق اللى تعـدى المحاذيـر





يبس غصون القلب جافـى دهرهـا





يانـاس أحبـه والمحبـه مقـاديـر





هذا هوى نفسـى وهـذا ... قدرهـا





والحب ماله يا هـل الحـب تفسيـر





قلبيـن والله بالمحبـه .... غمرهـا





لاجيت أصور حالة الحـب تصويـر





وأرد عـن حالـى لخلـى خبرهـا





لقيت وجـدى فـوق كـل التعابيـر





كل الشعر قطرة وروحـى بحرهـا





مع شوفتـه نشـوه وفـزة وتخديـر





وعيون خلانن تعانـق ... نظرهـا





يفز له قلبـى كمـا نزعـة الطيـر





والرجل كن اللى تحتها ... غدرهـا





ربع بروحى عقب ماهـى معاسيـر





سحابـةٍ هلـت بقلبـى ... مطرهـا





وأسقى بها زرعـة هوانـا بتقديـر





غرسة غـرامٍ بالمحبـة ... بذرهـا





ياعاذليـن القلـب والله مخاسـيـر





واللى درى عن حال عينى ... عذرها