بعد ماتقروها سموها بنفوسكم في الرد

السلام عليكم ورحمة الله وبركاته

ودي أقول قصة قريتها من مجله وهي واقعيه

بس لا تجبروني أكتبها باللغة العربيه الله يرحم والديكم يالله نعرف نتكلم زين

هههههههههههههههههههههه

وبعدين حاط تعليقات متداخل مع الموضوع عشان تضحكون ولا تقعدون تبكون
.
.
.
منذ فتره وأنا أنتظر دوري في محل حلاقه

نزلت مني دمعتي على المجله وأنا أقراها بدون ما أشعر بنفسي

أعجبتني كثيرا ولو وصفتها أو وضعت لها عنوان لن أوفي لها بالوصف في الحب والأخلاص والتضحيه

القصه مصريه وواقعيه حصلت في منطقة الجيزه

(( لو سألتوني وين هي الجيزه بقول بالشارع اللي جنبنا )) ===>> مايدري

ما أطول عليكم ...

كان في ولد فقير أسمه أحمد ساكن في بيت على قد حاله

ومره صادفه حادث سياره مؤلم وكان صاحب السياره بنت أسمها حنان

أحمد وقف على الحادث وكلم الاسعاف وجلس قريب من حنان يهديها حتى شالتها الاسعاف

وتنومت بالمستشفى وكان يجي كل يوم يزورها ويطمن عليه حست حنان أن أحمد يحاول يقرب منها

مع الكلام والمقدمات سألت حنان أحمد قالت أحس أهتمامك فيني كبير وكأني أعرفك من زمان

أبدى أحمد شعوره تجاهها وأهتماماته وكان خايف عليها فهمت حنان أن أحمد أحبها وما يبي يفارقها

خرجت حنان من المستشفى وصارت كويسه زي اللبم كلمت أحمد الا أنه يزورهم في البيت حق حنان

عشان مسوين أحتفال على خروج حنان بالسلامه من المستشفى دلته للبيت وكان بيتهم قمة في الروعة

((( بصراحه ماشفته بس عاد هم يقولون كذا )))

وكانت حنان غنيه وكان واضح معاها سياره وبيت زي الفل ..هههههههههه

قدر أحمد يتمكن من قلب حنان ويكسب هو بعد حبها

(( ماتدري يمكن عشان الدراهم الرجال ينخاف منه هههههههههه ))

أستمرت العلاقه سنتين وبعدها كمل أحمد دراسته الجامعيه وتوظف وتعدلت أحواله بس مو ذاك التعديل

أتفق مع حنان على أنه يطلبها من أهلها للزواج ووافقت وأخذ أبوه وأمه وراحو لهم

لكن تهب الرياح بما لا تشتهي السفن........

أبوها رافض لأنه هو غني والولد فقير تعقد أحمد ووعد أبوها يدور شغلانه أحسن

ولكن أبوها كان شديد الرفض وطلعت القصة أنه مو عشان الوظيفه ولا هم يحزنون

طلع أنه مو مرتاح لأحمد (( الولد طيب تصدقون أنا قريت القصه حقته متأكد هههههههههههه ))

أحمد قام يكلم حنان أتها تقنع أبوها ومافيه فايده دبرو واسطات يمين ويسار لكن ....

لا حياة لمن تنادي ... وأستمر أحمد يتواصل مع حنان على الموبايل بس فجأة صار يدق عليها

والجوال مقفول أستنى أسبوع حتى جن جنونه وماقدر يسمع صوتها

وصار يروح للبيت ويجلس قريب من البيت ينتظر خروجها ولما خرجت بعد طول أنتظار...؟؟

ناداها قال حنان ليش قافله جوالك علميني وصار يبكي ويشكي لها عذابه طول الاسبوع

أخيرا قالت أن أبوي عرف أنك تتواصل معاي على الجوال وأخذه وقفله ومنعني منه ومن أي جوال

واللحين يستعجل يدور لي عريس (( يالللليل النشبه أحمد قعد بها ))) ...

جن جنون أحمد وراح يبكي ويصيح ويحلف أنها ماتحل لغيره وأن أي واحد يتقدم لها يقتله

وصار يقابلها كل بعد يومين عند البيت حقها ويحكون لبعض مشاعرهم وحبهم وكثر الشوق اللي فيهم

(( وزي كذا مانبي نوضح يمكن في ناس ماتعرف الحركات حقت الحب خخخخخخخخخ ))

أكتشف أبوها أنه يجي للبيت ومسك أحمد وهاتك ضرب لين طلع النخل من بين أذانيه

وبسرعه راح يكلم ولد أخوه فتحي عشان يخطب بنته حنان

حضر ولد عمها عشان يخطبها من أبوها ولكن وقف قدامه أحمد وهدده أنه يقتله وسي فتحي ولا على باله

أرخص ما يشوف أحمد......هههههه أبو حنان منع حنان من الخروج برى البيت وقطعها عن العمل اللي تعمل فيه

بسبة أحمد وجلس أحمد يراقب خروج حنان أربع أيام لكن لا جدوى وراح بعيد وكل بعد كم يوم يجي يشوف

ويراقب

بعد فتره من الزمن أضطر أبو حنان للسفر وكانت حنان عارفه أن أحمد راح يجي للبيت أستنت جيته وخرجت تشوفه

لما قابلته لاحظت ملامحه أنه متعذب وأنه متغير السهر أتعبه صار أكله قليل

(( معروف اللي يحب حتى النوم مايعرف له طريق ))

قالت بابا جاب لي فتحي وكتبنا الكتاب أنهبل على مافيه من هبال ...أحمد وراح وطي وخربت معاه

وقام يتقلب وسط الشارع وقدام الناس وكن واحد من اهله مات ...(( الله يلوم اللي يلومك يا أحمد )) الحب بلوة

المهم قال لها أنتي راح تتزوجينه من جد قالت يا أحمد أبوي هددني أني لو ما أوفق راح يعملي مصيبه

زاد عذاب أحمد وراح يصيح ويبكي وأكد لها أنه راح يذبح العريس في يوم زواجه

بعدين راح يدور فتحي وهدده لكن فتحي (( راجل أد الدنيا )) ولاهمه ولا فكر في أحمد...

أحمد راح جهز له مسدس يوم جاء مو عد الزواج قام أحمد يراقب خروج العريس عشان الزفه هو وحنان

قام صوم المسدس على فتحي ومع صوت الموسيقى والدوشه أكتشف واحد من الحضور أن أحمد

مصوب المسدس على العريس وقبل لا يطلق النار لفت حنان قدام العريس

وهي زعلانه وكنها في حالة عزاء مو عرس وفرح .... أطلق النار أحمد وجت الرصاصه في حنان

طاحت حنان على الارض والعريس شرد من الموقع وصارت الدوشه راح أحمد يشوف هو العريس مات

ولما اقترب من المكان طلع اللي صوبها حنان راح لها مسرع وضمها على صدره ويبكي يقول لها

حنااااان لا تموتي ياحنان حنان بعد ماطلعت روحها قالت أوعدك يا احمد أذا ربي كتب لي عمر ماراح

أتزوج غيرك لأني أحبك موووت وهو كمان يدعي أنها ماتموت بس جلس شوي ماتت حنان

جلس أحمد يضرب نفسه ويصيح ويدعي على أبوها بالموت وجت الاسعافات والشرطه وشالوا القاتل والمقتول

طبعا حنان راحت شربه ((( قبروها ))) وأحمد أنحكم عليه بالاعدام بسبب القتل العمد مع الاصرار والترصد

لكن أحمد أنعدم قبل موعد الاعدام ...!! مات بعد سجنه بــ 3 أيام بس وصدق اللي قال (( ومن الحب ماقتل ))

وأنتهت القصه على كذا


أتمنى تعجبكم

والتعب لجلكم والله راحه