الشمالي مهاجر صاحب الموقع
عدد المساهمات : 272 تاريخ التسجيل : 10/02/2010
| موضوع: محاورة جرت بين @ ترايستار @ الجنرال @ منسقه السبت فبراير 13, 2010 8:15 pm | |
| (( @ الجنرال @ ))
( مواال )
الجنـرال اليـوم طربانـي ومستقصد الفياض بالعانـي شاعر خبير بطرق الألحاني واطلق شنب مشروب فنجاله
( طاروق )
يامرحبا بك يالترايستـار صحيح انا جيتك وبالعاني ابعرف علومك مع الاخبار واطرب لموالك والالحاني
(( @ ترايستار @ ))
( مواال )
فيك البقا ياصاحبـي حييـت والشوق يجذبني ولجلك جيت ولدعوتك ياصاحبـي لبيـت اطلق شنب مشروب فنجالـه
( طاروق )
عد السحايب ما تهل امطـار وإعداد حب يجنـي الجانـي فيك البقاء ومن يسكنون الدار في منتدى بإسم المضيانـي
(( @ الجنرال @ ))
( مواال )
ياللـي لدعواتـي تلبونـي منزالكم في داخـل عيونـي والليلـة ابغاكـم تمرونـي واطلق شنب مشروب فنجاله
( طاروق )
حنا بدينا بأول المشـوار وجهت لك وأرسلت قيفاني نبغى لنا موضوع للحضار أما جديد أو عبر الازماني
(( @ ترايستار @ ))
( مواال )
يالجنرالـي تسلـم عيونـك اطرب لقيفانـك ومضمونـك وارواحنا نسمح بهـا دونـك و اطلق شنب مشروب فنجاله
( طاروق )
شفت القضايا يا الحبيب كثار وأكثر قضايا وقتنـا جنانـي ياصاحبي شفت الزمن دوار و أيامنا أشكـال و الوانـي
(( @ الجنرال @ ))
( مواال )
ياللي تقول إن الزمن دايـر وقفت انا مع هالزمن حايـر ثم جاك موالي على الطايـر واطلق شنب مشروب فنجاله
( طاروق )
الصيف جانا وكثرة الاسفار وقت السفر ياصاحبي حاني إن كان تبغى نخاوي الطيار وإلا ركبنا فـوق الألمانـي
(( @ ترايستار @ ))
( مواال )
خذني معك يامالـك الغربـي تراي واقف لك على الدربـي خذني معك لو ديرة الصربي و اطلق شنب مشروب فنجاله
( طاروق )
تراني متلهف علـى المسفـار وجهزت انا الشنطه وغرضاني وإن ما حصل سفره نبي مسيار تكفى ترانـي حيـل ولهانـي
(( @ الجنرال @ ))
( مواال )
مطلوبكم سبب لنـا حيـره واخاف لا تفتح لنا السيـره وننشب بوسط الشك والغيره واطلق شنب مشروب فنجاله
( طاروق )
الحب به حالي وفيه امرار ومخطور يبلاكم ويبلانـي والله يا لولا زيادة الاسعار لآحط فوق الاولي ثانـي
(( @ ترايستار @ ))
( مواال )
كان انت والله يالغلا صامـل قلي ولا تقعـد لـي تجامـل وابشر ولك مني مهر كامـل و اطلق شنب مشروب فنجاله
( طاروق )
الحب به جنة وفيه النـار وذي عادته يكوي بنيراني كانك تبي تسلم من الاخطار خله وإلعن كـل شيطانـي
(( @ الجنرال @ ))
( مواال )
مابغى لكم مهر ولا أبغى قروش تبغاني امسي ليلتي بالحـوش وضعي كذا احسن وحالي خوش واطلق شنب مشروب فنجالـه
( طاروق )
استر لما واجهت من اسـرار لا تحدنـي تـراي بلشـانـي تبقى معي في وسط هالمضمار والعرس خله لو على شانـي
(( @ ترايستار @ ))
( مواال )
بحفظ لك الاسـرار يالغالـي ولا عادني بحـداك للجالـي وفرت لي ياصاحبـي مالـي و اطلق شنب مشروب فنجاله
( طاروق )
السالفه تبقى هنا تذكـار ولا تقول الترس خلانـي ترا البحر ما عاد به محار والحر يفهم والعمر فاني | |
|