لا تحرمني ثمان

هيبتك في قصيدي توزن أطنان= وسكنتك في قصيدي ربي وزنها
وإن جيت كاتب(ن) بشعري أوزان=تزين في وصفك ووصفك ثمنها
يالله عساني منحرم منك يا فلان=بحيث لو ترحل عفنا زمنها
دخيل ربك لا تحرمني ثمان =(قربك ) و (عطفك ) و(القلب ) منها
(ونظرة عيونك ) تقتل أحزان= في داخل القلب (وصوتك) يزينها
وزود (حبك) وبـ (الدلع) فنان = تهون الجرح لو روحي سكنها
سبع(ن) سطرها القلب بإحسان=والثامنه ببيات(ن) قلبي دفنها
لو تنوصف وصفك ورد(ن) ببستان=ولو تنشرح اقلامنا نكسر سننها
سمار وجهك صآبني بجنان=ونحل خصرك خيل(ن) في وطنها
من عيني شافتك ضيعت الزمان=والدنيا زانت وتلونت بلونها
لو تطلب الروح وقلبي كمان = هدية(ن) لك واعتذر عن قلة ثمنها
يالله عساني منحرم منك يا فلان =في الدنيا وجنة(ن) بأخر زمنها